Песнь 5 — Покаянный ко Пресвятой Богородице

Ирмос: Божиим светом Твоим, Блаже, утренюющих Ти души любовию озари, молюся, Тя ведети, Слове Божий, истиннаго Бога, от мрака греховнаго взывающа.

Пресвятая Богородице, спаси нас.

Божественным сиянием твоим Благая, исцели душевныя моя страсти, яже ми тлитель всея: и избави мя сего пленения горькаго.

Пресвятая Богородице, спаси нас.

Адам преступи убо заповедь едину Дево, и во изгнание впаде: како же рыдаю прегрешений моих бездну аз преступный.

Слава Отцу, и Сыну, и Святому Духу. Убийца убо явлься древе, и братоубийца Каин, Богом проклят бысть: что же сотворю аз вседерзый, душу убо убив ныне, и не стыждуся.

И ныне, и присно, и во веки веков, аминь. Исаву поревновах лютому, чревообъядением, и сытостию: весь, душу оскверних пиянством, и ласкосердством житие мое: и кто мене не плачет страстнаго, увы мне.