Молитва:11 — При разных болезнях
К вам, святии безсребреницы и чудотворцы Космо и Дамиане, яко к скорым помощником и теплым молитвенником о спасении нашем, мы, недостойнии, преклоньше колена, прибегаем и, припадающе, усердно вопием: не презрите моления нас, грешных, немощных, во многая беззакония впадших и по вся дни и часы согрешающих. Умолите Господа, да пробавит нам, недостойным рабом Своим, великия и богатыя Своя милости; избавите нас от всякия скорби и болезни, вы бо прияли есте от Господа и Спаса нашего Иисуса Христа неоскудную благодать исцелений, ради твердыя веры, безмезднаго врачевания и мученическия кончины вашея. Услышите нас, молящихся, и благоприятным ходатайством вашим испросите у Христа Бога православным людем на враги победу и одоление. Паки, припадающе, прилежно молим: испросите нам от Господа вся благополезная, яже в животе нашем временнем, наипаче же ко спасению вечному служащая, да сподобимся молитвами вашими улучити кончину христианскую, безболезненну, непостыдну, мирну, и да избавимся от козней диавольских и вечныя муки, безконечнаго же и блаженнаго Царствия Небеснаго наследницы будем. Ей, угодницы Божии, не престайте молящеся за ны, с верою к вам притекающия. Аще бо по множеству грехов наших и несмы достойны милосердия вашего, обаче вы, вернии подражателие человеколюбия Божия суще, сотворите, да принесем плоды достойны покаяния и в вечный покой достигнем, хваляще и благословяще дивнаго во святых Своих Господа и Бога и Спаса нашего Иисуса Христа, и Пречистую Матерь Его, и ваше теплое заступление, всегда, ныне, и присно, и во веки веков. Аминь.
К вам, святые бессребреники и чудотворцы Косма и Дамиан, как к быстрым помощникам и усердным молитвенникам о нашем спасении, мы, недостойные, преклонив колена, прибегаем и, припав, с усердием взываем: не пренебрегайте нашими молитвами, грешных, немощных, впавших в многие беззакония и изо дня в день и час согрешающих. Умолите Господа, да продлит нам, недостойным рабам Своим, великие и богатые Свои милости; избавьте нас от каждой скорби и болезни, потому что вы приняли от Господа и Спаса нашего Иисуса Христа обильную благодать исцелений за крепкую веру, безвозмездное врачевание и мученическую кончину вашу. Услышьте нас, молящихся, и благоприятным ходатайством вашим испросите у Христа Бога православным людям победу над врагами и одоление их. Снова, припав, прилежно молим: испросите нам у Господа всё благополезное для нашей временной жизни, но особенно служащее для спасения в вечности, да сподобимся вашими молитвами получить кончину христианскую, безболезненную, непостыдную, мирную, и да избавимся от козней диавольских и вечных мук, будем же наследниками бесконечного же и блаженного Царства Небесного. О угодники Божьи, не переставайте молиться за нас, с верою к вам прибегающих. Хотя из-за множества наших грехов и не достойны мы вашего милосердия, но вы, верные подражатели Божьего человеколюбия, сделайте, да мы принесём достойные плоды покаяния и достигнем вечного покоя, хваля и благословляя дивного во святых Своих Господа и Бога и Спаса нашего Иисуса Христа, и Пречистую Его Матерь, и ваше усердное заступничество, всегда, ныне, и вечно, и во веки веков. Аминь.